Parafia Matki Bożej Częstochowskiej w Mysłowicach - Kosztowach - Wydarzenia 2012 - Pielgrzymka do Włoch

Pielgrzymka do Włoch - maj 2012

Parafialna pielgrzymka do Włoch odbyła się w dniach 21 - 28 maja 2012r. Parafia Matki Bożej Częstochowskiej- Kosztowy

Foto: Andrzej Olejnik

RAJZA KOSZTOWIOKOW

FARORZ TROCHA PODUMALI
I NA RAJZA NOS POGNALI
JUŻ DWUDZIESTY PIYRSZY MAJ
TRZA ŁOPUŚCIĆ ŚLONSKI RAJ
PREZWUSZT KRUPNIOK I WODZIONKA
ZAMIYNIOMY NA CIAPCIONKA
I TA PASTA CIORAĆ TRZA
BO WE WŁOCHACH NOS WITAJOM
PIELGRZYMOWAĆ ZAPROSZAJOM

COŁKI DZIYŃ MY SAM JECHALI
NA POGODA NARZEKALI
A WE WTOREK POWSTAWALI
I W ASYŻU ZAWITALI
ŚWIYNTY FRANCIK TU KRÓLUJE
COŁKIYM LUDUM ŁOPIEKUJE
FARORZ MSZO TU ŁODPRAWILI
I ZAŚ DALI MY RUSZYLI
ŚWIYNTO RITA NOS WITAŁA
WSZELKIE ŁASKI PRZELYWAŁA

W ŚRODA RANO POŚNIODALI
DRAP DO RZYMU MY POGNALI
ŁOJCIEC ŚWIYNTY NOS PRZYJMOWOŁ
JAKO PIYRSZYCH NOS RACHOWOŁ
POTYM RZYM TROCHA ZWIYDZOMY
BARDZO GIBKO TAM LOTOMY
AŻ NOS GIYRY BOLOM FEST
WE SZCZEWIKU DZIURA JEST

W CZWORTEK RANO ŁOSŁABIYNI
WCZAS NOS Z ŁOŻEK WYGONILI
TO MY WCALE ŹLI NIY BYLI
W BAZYLICE MIYJSCE MOMY
TAM MSZO ŚWIYNTO ŁODPRAWIOMY
POTYM COŁKIE JYJ ZWIYDZANIE
PRZY JANIE PAWLE JEST RZYKANIE

W PIONTEK MARYŚ NOM PEDZIAŁA
ŻE W MANOPELLO BY NOS WIDZIAŁA
BO TAM NA SZTOFIE SOM JAKIEŚ DZIWY
A TO WIDNIEJE JEZUS PRAWDZIWY
ARCHANIOŁ MICHAŁ BARDZO NOM PRZAJE
I W SWOJYJ GROCIE PORZYKAĆ DAJE
A ŁOJCIEC PIO HANYSOW WITO
I NA MSZY ŚWIYNTYJ ŁO PROŚBY PYTO

W SOBOTA RANO DZIÓBY SIE ŚMIEJOM
BABY PO SKLEPIE CHYNTNIE SZALEJOM
I NAKUPIŁY MASZKIETOW KUPA
ZISTA I KYJZA I W TYTCE ZUPA
W LANCIANO CUD SIE STAJE
Z HOSTII KREW SIE WYDOSTAJE

W HATCE MATKA NOS PRZYJMUJE
CO W LORETO SIE ZNAJDUJE
PILOT MARYŚ SIE WKURZYŁA
WSZYSTKICH WŁOCHOW ŁOPIEPRZYŁA
BO NOM FUTRU NIY DOWALI
A ŁO GŁODZIE NOS TRZIMALI

W NIYDZIELA RANO JEST NOM WESOŁO
BO ŚWIYNTY ANTOŚ NA MSZO NOS WOŁO
POTYM NA STATEK MY POWSIADALI
I DO WENECJI POŻEGLOWALI
TAM ŚWIYNTY MAREK DURCH NOM PANUJE
TYM KONSKIYM LONDU SIE ŁOPIEKUJE

ZAŚ W TYJ WENECJI BABY LOTAŁY
Z KAŻDEGO SZTANDU TASIEK NABRAŁY
TERAZ W NIYDZIELA U NOS NA SUMIE
TYMI TAŚKAMI ASZOM SIE DUMNIE

SAM DWA RICHATY Z NAMI JEŹDZIŁY
PO COŁKICH WŁOCHACH NOS WYWOZIŁY
TERAZ NA HAUZY MY JUŻ WRACOMY
BO SWOJA WIARA MOCNIYJSZO MOMY
A ZAŚ PON BOCEK NIYCH NOS WZMOCNIAJOM
I W DALSZYM ŻYCIU KUPA SIŁ DAJOM